新漢記飯店

營業中

休息中

北區人想食好食嘅客家菜唔一定要去尖沙咀銅鑼灣，囍逸商場都有間小店價錢經濟菜式又特別🌟自家製黑蔗糖蜂巢糕黑蔗糖甜味濃郁，食落喉嚨好舒服，啱晒夏天做甜品，發酵做得好好，蜂巢氣孔令件糕好鬆軟🌟自家製黑墨魚浸勝瓜黑墨魚以丸狀呈現，咬開爆汁好香墨魚味，勝瓜去皮入口滑溜🌟豆漿炒青瓜苗青瓜苗個頭有黃色嘅小花，口感爽脆鮮嫩，用豆漿炒唔會好鹹，反而帶出淡淡豆香🌟客家慢煮滷鵝鵝片啖啖肉食得勁開心，鵝皮油脂甘香，慢煮鵝肉好滑，係必點客家菜之選！🌟尖椒醬油焗山坑魚乾魚乾做小食最適合，本身帶鹹香，再用尖椒醬油帶出辣味，食到停唔到口🌟海味炒粉絲海味包括蝦米蝦膏，煮到個汁好鮮香濃郁，每一條粉絲都吸晒海鮮汁好惹味