綠悠遊山莊

營業中

休息中

今日行山嘅午餐嚟咗呢度呢間客家菜，食物都幾似農家菜，味道正正常常，有田園風味。餐牌兩頁，場地都大，有遮蔭座位亦有露天座位。黃酒炆雞，呢個幾特別，調味甜甜地，因為落咗黃酒。客家蒸釀豆腐，豆腐係滑豆腐，上面有啲魚肉。調味唔係好夠。香煎蠔仔餅，蠔仔嘅數量都幾多，拍得住潮州菜。豉油王炒麵，冇特別油，但豉油味亦唔係好重。蒜蓉菜心，juicy。鮮魚菜湯，都幾多條魚，不過就要小心魚骨。個湯底嘅魚味非常重，唔腥，幾有驚喜。