西貢許姑娘家鄉茶粿 (已結業)

今次已是第二次入西貢買許姑娘茶粿，上次因睇完一本飲食雜誌的介紹後，覺得好吸引，故在某星期六入西貢行一趟。許姑娘的茶粿款色多過5款，每盒都係$10/2個，當天去到茶粿店已4點，可能已晏了，所以只賣剩兩、三款茶粿，我買了南瓜紅豆及眉豆茶粿一試。橙黃色的南瓜皮包著紅豆餡，首先不要期望會食到南瓜味，但它的顏色已增加了食慾，粿皮煙靭，豆沙餡的份量亦相當足夠。之後第二次入去，又買了蘿蔔餡、綠茶紅豆及客家糯米糍。我較為鍾意蘿蔔餡，餡多，蘿蔔味濃。至於糯米糍係新鮮出爐$10/3個，內裏有磨碎了的芝麻、花生、黃糖，食落脆脆地，值得一試。有好多顧客會即買即食，食過後會再買多幾盒㖭。