有間客棧 (已結業)

朋友推介長沙灣新開既川菜館, 黎之前上網望過下佢D野食相, 除左有水煮魚酸菜片, 烤全魚, 仲有十分創新既朱古力日式咖喱烤魚!! 餐廳唔算大, 但係悉心設計成古色古香既感覺, 大部分裝潢, 枱 凳都以木製, 模仿古代客棧風味。餐牌都設計得好靚, 有哂食物既圖, 除左魚, 仲有涼菜, 小炒等等, 款式甚多! 依度亦都有啤酒, 茶, 汽水等飲品提供。酸菜百花鱸魚片(例牌) $128可以自選辣度(BB, 小, 中, 大), 未食已聞到好香酸菜湯味, 口水都流~~ 一大窩既酸菜魚, 選用既百花鱸魚, 肉質厚實嫩滑, 去骨功夫做得好好, 入口連細骨都唔覺有, 而且份量好足。魚肉連同酸菜湯送入口, 先係酸辣香氣, 然後魚肉鮮味隨之而來, 配搭鍋內既芽菜, 豆卜同埋寬粉等索湯一流既材料, 大滿足! 雖說係例牌, 感覺係2-3人份量, 兩個人仲要叫其他小菜既話, 例牌已經好足夠!乾扁四季豆 $78四季豆細嫩冇渣, 入口唔會過於油膩, 加上蒜, 辣調味, 炒得非常香口! 配白飯或者啤酒一流。湖南小炒肉$78腩片肥瘦相間, 肉質有咬勁亦有肉香, 加上青尖椒, 乾辣椒, 帶出香辣味道, 整體咸香惹味, 忍唔