Okinawa Dining BRIDGES (已結業)

Book左位食lunch，上到去空無一人卻堅持我地要坐廁所門口張枱，心諗咁有原則食物質素一定好好。叫了一個刺身飯，三百幾蚊，一個沖繩set，二百九十蚊。刺身算新鮮（但一定唔係最優質嗰隻），值唔值呢個價錢見仁見智。沖繩set係幾豐富，漬物、煮物、刺身、茶碗、等，不過樣樣都談不上出色，海葡萄係唔係空運到港食唔出，淨係知道浸醋浸到咩味都食唔出。炒豚肉苦瓜呢樣零難度都唔好食，最頂癮係個白飯，集團經營的中價日本餐廳都用珍珠米啦，呢間嘢的白飯又乾又硬，鬧都無謂。埋單六百幾七百蚊個lunch，呢個價錢在好多有誠意兼物有所值的日本餐廳都夠食，不過其他餐廳冇做咁多coupon優惠，做咁多宣傳，與其洗呢啲錢，不如認真做好食物啦，本末倒置。