影片
更多
2024-12-23
208 瀏覽
就嚟到聖誕啦，趁着節日臨近，等要同朋友聚一聚啦。今日就約咗朋友去旺角T.O.P【柞木炭家】。我哋揀咗室外嘅座位，出面嘅聖誕樹同噴火暖爐，令節日氣氛更加濃厚。我哋點咗個【王道Premium Set】，有頭盤、燒肉拼盤、主食、海鮮、甜品，set好晒唔駛煩～頭盤係【醬油盛盒】有醬油蝦、帶子。醬油蝦蝦膠多，食落好似食緊拖肥糖咁，帶子亦大大粒。醬油無過鹹，配蒜片同辣椒食更加惹味。天氣清涼開住個爐烤肉特別好feel～燒肉有【和牛橫腸膜肉】、【和牛牛肋肉】、【和牛牛舌】、【極上牛小排】。【和牛牛舌】爽口又香口；其餘幾款肉嘅肉汁好豐富，一入口就滿口香甜肉汁，好高質。主食嘅【肉醬年糕】都幾特別，係肉醬意粉嘅年糕edition。海鮮【牛油帶子拼蔥蒜生蠔燒】，用錫紙兜裝住，再放上爐燒，一邊燒一邊聞到牛油香蒜香。帶子同冬菇都好惹味。我哋另外點咗兩杯梳打，【青瓜青檸梳打】夠晒清新，食完重味嘅燒肉清清口腔就啱晒。【提子梳打】就果甜味濃，各有特色。【精選甜蜜盛合】焦糖香蕉幾有特色，好似焦糖燉蛋咁上面有一層透明焦糖，口感外脆內軟。另一件係布甸，軟滑又香甜。三五知己喺室外圍爐取暖，品嚐美食，渡過一個美好嘅冬夜。
我哋點咗個【王道Premium Set】，有頭盤、燒肉拼盤、主食、海鮮、甜品，set好晒唔駛煩～
頭盤係【醬油盛盒】有醬油蝦、帶子。醬油蝦蝦膠多，食落好似食緊拖肥糖咁，帶子亦大大粒。醬油無過鹹，配蒜片同辣椒食更加惹味。
天氣清涼開住個爐烤肉特別好feel～燒肉有【和牛橫腸膜肉】、【和牛牛肋肉】、【和牛牛舌】、【極上牛小排】。【和牛牛舌】爽口又香口；其餘幾款肉嘅肉汁好豐富，一入口就滿口香甜肉汁，好高質。
主食嘅【肉醬年糕】都幾特別，係肉醬意粉嘅年糕edition。
海鮮【牛油帶子拼蔥蒜生蠔燒】，用錫紙兜裝住，再放上爐燒，一邊燒一邊聞到牛油香蒜香。帶子同冬菇都好惹味。
我哋另外點咗兩杯梳打，【青瓜青檸梳打】夠晒清新，食完重味嘅燒肉清清口腔就啱晒。【提子梳打】就果甜味濃，各有特色。
【精選甜蜜盛合】焦糖香蕉幾有特色，好似焦糖燉蛋咁上面有一層透明焦糖，口感外脆內軟。另一件係布甸，軟滑又香甜。
三五知己喺室外圍爐取暖，品嚐美食，渡過一個美好嘅冬夜。
張貼
