Terrace in seaside (THE SOUTHSIDE)

營業中

休息中

黃竹坑新開咗個商場the southside，就去咗呢間韓國 terrace in seaside 食晚餐！主食揀咗燒醬油黑毛猪白切肉紫苏饭，一上菜就香气四溢。燒醬油烹煮黑毛豬肉質鮮嫩多汁，切成均勻的薄片，每一口都能品味到肉汁嘅鮮味，飯底係泡菜配紫蘇整成，味道帶泡菜香辣，中和黑毛豬嘅油膩感。另一走就叫咗Seaside Brunch, 非常豐富：煙三文魚、雞蛋、火腿、窩夫、牛油果、希臘乳酪等，窩夫有驚喜，入面仲有餡料，口感豐富！份量足夠又健康。甜品喺唔可以錯過。叫咗個士多牌梨忌廉窩夫，窩夫係朱古力底，配士多啤梨嘅酸甜剛好，窩夫香脆而內軟鬆化，非常滋味！另一款提拉米蘇，口感酥脆絲滑嘅結合，咖啡酒嘅香濃味道同奶油芝士滑順質地，每一口都感受到奶油芝士同濃郁咖啡酒嘅香氣。飲品濟州柑橘乳酪同朝露玫瑰花，濟州柑橘乳酪絕對呢到招牌，味道酸酸甜甜濃濃嘅乳酪奶香，而朝露玫瑰花消暑必飲，玫瑰味香濃！