影片
更多
2019-04-15
1332 瀏覽
一講到尖沙咀諾士佛臺，第一個印象就喺個啤一啤嘅地方，食友就極力推介當中嘅「寢宮」呢一家酒吧餐廳俾我。其實，小弟一向都唔多好酒，所以，酒吧就極之少去，不過，佢話就算唔飲酒，佢哋做嘅西餐絕對唔失禮，而且，定價亦相對唔貴，故此，先推介俾我。是夜，就同夏總兩支公嚟「蒲」吧，查實就只喺食餐晚飯而已。餐廳藏身於商廈中層，睇門面就唔覺得啲乜，但入到去原來地方都幾大，裝修可以講喺華麗十足。湖水綠嘅高腳枱櫈，襯淺灰雲石餐枱，最埋邊仲有幾張長形梳化櫈。配套方面亦唔馬虎，除有一張美式桌球枱之外（已問過侍應，毋需額外付款都可以享用），仲有飛鏢機、卡拉OK房，更有啲得意牆畫及韆鞦俾客人打卡。整體感覺予人有種高級感，唔會覺得好品流複雜，所以，越夜越多客人，更以女生佔多數添。呢類餐廳始終以賣酒為主，所以，飲品都以帶酒精類嘅為多，例如：雞尾酒、香檳、紅白餐酒、白蘭地、威士忌、生啤、各種烈酒……等等，餐牌都以平版顯示，配以得意彩繪，清晰易用之餘，感覺又好睇好多。就算唔飲得酒，其實都有唔少選擇，包括一系列特色咖啡、茶品及非酒精雞尾酒，所以，唔使擔心無嘢飲。文初都講過，食友推介過呢度嘅食物，翻一轉餐牌，有好多頭盤小食，而且
餐廳藏身於商廈中層，睇門面就唔覺得啲乜，但入到去原來地方都幾大，裝修可以講喺華麗十足。湖水綠嘅高腳枱櫈，襯淺灰雲石餐枱，最埋邊仲有幾張長形梳化櫈。
配套方面亦唔馬虎，除有一張美式桌球枱之外（已問過侍應，毋需額外付款都可以享用），仲有飛鏢機、卡拉OK房，更有啲得意牆畫及韆鞦俾客人打卡。整體感覺予人有種高級感，唔會覺得好品流複雜，所以，越夜越多客人，更以女生佔多數添。
呢類餐廳始終以賣酒為主，所以，飲品都以帶酒精類嘅為多，例如：雞尾酒、香檳、紅白餐酒、白蘭地、威士忌、生啤、各種烈酒……等等，餐牌都以平版顯示，配以得意彩繪，清晰易用之餘，感覺又好睇好多。
就算唔飲得酒，其實都有唔少選擇，包括一系列特色咖啡、茶品及非酒精雞尾酒，所以，唔使擔心無嘢飲。
文初都講過，食友推介過呢度嘅食物，翻一轉餐牌，有好多頭盤小食，而且，單睇啲菜式名，唔喺普普通通咩雞翼薯條、炸咖喱角之類嘢，不少喺花過心思設計嘅小食，更喺配啤友嘅良友。
而我同夏總一心只嚟食餐飯，所以，目光都喺放晌佢哋嘅精選套餐之上，估唔到足足有成11款菜式供選擇，有肉眼、黑毛豬鞍、羊扒、盲鰽魚柳、煎鴨脾、意大利麵……等等，定價由$168 - $328，正所謂豐儉由人，而套餐已包埋沙律、餐湯及餐飲。此外，更有啲小食加配優惠，好彩無加啫，因為啲主菜份量可不少喔！
順帶一提，最估唔到喺佢哋連斧頭扒都有賣，散點又得，配餐都得，家價亦唔貴，尤其個餐，賣$1,480，明顯喺4人份，抵食。
煙鴨胸沙律沙律菜配少少紫洋蔥，淋上油醋，再搭上兩片煙鴨胸，啲沙律菜新鮮爽脆，而煙鴨胸鹹香柔韌，雖然簡簡單單，但食味不俗。
野菌忌廉湯個湯碟好特別，而餐湯喺野菌忌廉湯，做得水準唔錯，唔單止質感幾細滑，卻又帶少少菌粒，而菌香稱得上夠濃郁。如果啲忌廉畫嘅圖案靚啲、細緻啲，就加分嘞。
香草芥末燒羊鞍配露絲瑪莉汁 $318夏總算喺羊痴，所以，唔喺羊鞍，就喺羊扒，最後選前者覺得有睇頭啲。嚟到個賣相好唔錯，仲配以焗薯，以及一啲脆炸薄蓮藕片、芋頭片、西芹條做裝飾，絕對睇得出喺用心之作。小弟都試咗佢少少燒羊鞍，啲羊嘅肉質真喺好軟腍，羶味又啱啱好，以寶雲酥嘅做法搵香草及芥末醃過，令味道富層次，夏總更大讚件羊鞍好掂。
香草芥末燒羊鞍配露絲瑪莉汁
9 瀏覽
0 讚好
0 留言
法式藍帶雞胸配什菌意粉 $198好耐以前一道菜式叫「哥頓豬」，喺將兩塊鎚鬆嘅豬扒中間夾有芝士及火腿再炸香而成嘅菜式，好耐無見過喇，相信依家都無乜人整。但今晚竟然見到有異曲同工嘅「法式藍帶雞胸」，真喺有少少驚喜架。同樣外觀做得唔錯嘅法式藍帶雞胸，伴有好多沙律菜、車厘茄、脆炸薄蓮藕片、芋頭片及墊有大量什菌意粉，所以，食得我好鬼飽。雞胸炸得外層香脆，雞胸肉亦唔覺嚡，反而，內裡唔喺跟傳統釀入芝士及火腿，而喺什菌，更伴有自家調嘅黑松露醬汁，的確好食。
法式藍帶雞胸配什菌意粉
13 瀏覽
0 讚好
0 留言
熱咖啡、凍檸茶餐飲本來想試吓轉啲特色咖啡，不過，店員話無優惠，要用番正價，當然乖乖哋揀番一般即磨咖啡啦，難得啲豆嘅質素唔差，沖出嚟嘅咖啡帶果仁香；友人杯凍檸茶亦擺得靚仔啲，茶底色深味香。
果然，食友無介紹錯，呢度做嘅西餐確喺用心，而且，服務都好周到。就好似佢哋明知地方所限，啲餐枱細細張，就唔會一次過上晒啲菜式，而喺慢慢逐樣上，讓人感覺稱心。
張貼
