宮崎日式燒肉店 (已結業)

最近比較忙，難得約朋友一齊食飯，當然食得好啲啦，所以今日去到旺角試吓呢間宮崎放題！當日排隊都算唔多人，好快就入座，食得放題第一件要事，當然係睇吓嗰到有乜食！總共有八張餐紙仔：分別有壽司/卷物、炸物、烏冬麵飯類、和牛羊架、地雞、黑豚肉、海鮮同刺身。其實係揀緊嘅期間，宮崎已經好快將贈送嘅仙氣牛同豬送到來枱面，係每兩人限定送一款嘅高級肉，而咁岩同行朋友係壽星，所以又額外多一碟象拔蚌！真係好抵食啊！出餐速度其實都頗快，海鮮同刺身陸續上枱，我地都幾驚喜，因為就海鮮睇落新鮮，而且大件！再講放題唔少得嘅刺身都不俗，肥美而且份量都多，相當夠食。不過講咁耐，當然落爐燒先係重點啦。事不宜遲，先放咗隻大蝦落去燒，爐燒蝦真係好香，而且啖啖肉；都未食完隻蝦已經等唔切要燒啲仙氣肉泥食，真係一刻都唔想等。非常嫩，一啲都唔諧口，真係食等就出係高級和牛、而個豬肉燒得耐都仲係好軟滑，唔係一般貨仔。食物種類繁多，所以絕對唔怕唔夠飽。同場我地都食左各式各款食物，個鰻魚飯都唔錯咖、海鮮都相當推薦可以狂點。飲品任飲，無須加錢。食得差唔多飽出去睇睇，原來仲有甜品、水果、關東煮。拎咗少量菠蘿，食番啲水果個口立刻清新哂。最後以甜品作結