茶屋町 (長沙灣道) (已結業)

今個星期六去咗深水埗行街 ，呢道人流真係好旺， 總是人山人海。 想搵間餐廳靜靜地嘆個lunch，在地鐵站附近搵到間餐廳叫茶屋町食日本野。呢間鋪頭外觀好有日本風格，雖然地方細細，但都好骨緻。我猶如置身日本火車中，在窗門上掛咗好多宮崎駿電影的動畫海報裝飾。 真係啱曬我呢個宮崎駿，好懷念日本呀。燒豚肉丼上枱還熱辣辣， 即叫即燒， 賣相很吸引而且好豐富， 豚肉叠得滿滿的。燒得好香仲有有少許燶邊， 豚肉切成薄片而配上特製醬汁好入味，醬汁剛剛好覆蓋在飯同肉上， 調教得好好，令人大大滿足。