宴 尖沙咀

一次同女朋友出門喺尖沙咀搵到呢間【宴】，感覺係一間非常特別嘅日本餐廳。後來發現佢哋有日式火鍋放題，直接同女朋友喺呢度食晚飯。呢度環境好好，好有格調，氣氛亦都好足夠，喺呢度用餐會特別放鬆，而且食材都非常高級。我哋叫咗佢哋嘅松餐放題，好多餸都係任食嘅。火鍋嘅湯底係豬骨湯拼醬油湯，豬骨湯嘅香氣非常濃郁，然後醬油湯聞起嚟亦都係非常鮮嘅。呢度上等和牛都係無限任食嘅，和牛肉質雪花非常靚，落湯涮後肉質好嫩，油脂都被煮出嚟，非常之香。而且佢哋嘅豚肉亦都唔輸和牛，肉質亦都好細膩，肥瘦相間，口感好滑嫩，加埋湯底嘅鮮甜，肉非常好食。可以無限任食嘅仲有松葉蟹，松葉蟹嘅肉真係非常清甜，有淡淡嘅鮮味，味道非常之香，肉質仲好細膩，真係食咗就停唔落嚟。刺身拼盤亦都係好新鮮嘅，每一種海鮮都能夠食到鮮味，賣相同味道都係一流嘅。呢間放題真係非常唔錯，非常推介畀大家！