來佬餐館 (已搬遷) 新店位置

中環附近冇咩餐廳開得太夜，要醫肚就黎左呢度試下。好耐之前已經睇過一個電視節目介紹。果然，呢度有宵夜套餐提供，啱晒少食多餐成日肚餓既我。套餐包括三款點心配一款主食。點心揀左來佬菠菜餃，蝦子燒賣王同上海小籠包。主食就揀左銀芽肉絲炒麵。點心全部都熱辣辣，除左菠菜餃有三件之外，其餘兩款點心全部都有四件呢！菠菜餃係真正既皮薄餡靚，小籠包入邊有好多汁，燒賣又大大粒，總括黎講點心質素不錯。至於銀芽肉絲炒麵，麵底係煎過既，好香脆。面頭淋上銀芽肉絲既汁，口感好豐富。