大樹燒烤 (已結業)

想同朋友飲嘢傾偈，但又唔係想食好多嘢，夜晚時間，最好就係搵串燒，多有多食，小有少食，又可以飲杯嘢食物選擇唔算好多，但想食嘅基本上都有👍叫咗好多款唔同嘅串燒，唔一一盡錄，普遍都做得唔錯，火候控制得好，唔會有燒燶，燒到好乾嘅情況，有幾款非常推薦，冬菇，翠玉瓜，五花腩，白鱔，值得一試朋友仔想食Carbs，叫多咗個卷餅，卷埋肉類串燒非常合適，平衡到肉類嘅油膩👍另外叫咗燒茄子、娃娃菜、同埋牛舌，燒茄子做得幾出色，醬汁教得好好，勁香蒜味，甚至夾埋其他肉類食都好好味飲品方面，因為第二日要返工，冇飲酒，嗌咗青提同埋鴨屎香檸茶，我自己比較鍾意檸茶，配合埋燒烤嘅香料味，就算唔飲酒都覺得好滿足👍每人二百幾蚊叫咗咁多樣嘢，價錢合理，而且都坐得舒服，加分！