優點點心專門店

營業中

休息中

放工同朋友約左喺銅鑼灣食宵夜，兜左好耐最後決定食點心，揀左呢間喺forever 21附近既。叫左五樣點心，落單後幾分鐘已經送到，應該係一早蒸好一直熱住。名醬蒸鳳爪好入味，食落仲有啲陳皮味腐皮鮮雞扎芋頭好粉，腐皮可能因為一直蒸住所以比較乾蟹子滑燒賣食倒有肥豬肉有蝦幾爽口流沙奶皇包一打開就好流心，但無乜蛋黃味另外仲叫左羅白糕，不過好粉而且無咩味。當宵夜黎講都不過不失，貪佢開到凌晨一點半而且位置方便，外賣仲有九折，放工買番屋企食都唔錯。