撈得店 (已結業)

明明住附近但竟然第一次係食宵夜，完全唔知呢個街市咁多野食！！！要多謝個朋友帶我上黎發現新大陸😂.啱啱去完泰國，對香蕉煎餅念念不忘！知道呢間有得食，即刻衝去買😍😍😍 但原來呢到既煎餅係用春卷皮做餅皮，同泰國有啲唔同。但食落我覺得仲正啲喎！香蕉煎餅外皮香脆，入面既香蕉又甜又軟，完全係外脆內軟！面頭仲淋咗超多煉奶！！多到好似唔洗錢咁，好癲！一份都係$20!!!真係幾抵，肥死都值啦🤪🤪🤪我見佢仲有蛋餅賣，下次要試下！