影片
更多
2009-09-25
40 瀏覽
昨晚師傅一條友夜夜都未食飯, 到左凌晨終於支持唔住, 落左樓下搵野食; 由於凌晨後選擇唔多, 所以都幾頭痕! 啱啱行過見到呢間食店, 雖然唔係一盅兩件, 但凌晨時份仲有點心食, 師傅都覺得唔錯, 於是就決定入去試下!一坐底伙計就問師傅飲咩茶, 真係估唔到一間茶餐廳格局嘅食店,竟然做得咁仔細, 值得一讚; 於是師傅就叫佢開壺香片黎飲下先! 循例地洗下杯洗下碗筷, 接下來當然係黎一口熱茶啦, 坦白講以一間唔係茶樓嘅角度黎講, 呢壺茶確實不錯, 香片清香, 味道可口適中, 不淡不濃, 飲得出落左唔少茶葉, 不錯!接下來當然係睇下有咩好食啦, 望下個餐牌, 師傅覺得價錢又唔算特別平, 小點都要十一蚊, 中點就十三蚊而大點就十五, 好彩冇特點, 相比起一般酒樓, 其實算貴, 好多酒樓小點都係八個八式更平, 但呢度就免茶免加一, 所以在乎你點睇喇! 望左一陣, 師傅最後柯打左春蛋燒賣, 叉燒腸粉同鳳爪排骨飯!話咁快就有得食, 原來叫盅飯係有例湯送添, 師傅當然老實不客氣啦, 一兜有成枱都係野, 有冇點兒過份呢? 先講下個鳳爪排骨飯, 鳳爪有一隻, 都算幾入味, 可以啦; 而排骨就幾多, 但係骨多過
一坐底伙計就問師傅飲咩茶, 真係估唔到一間茶餐廳格局嘅食店,竟然做得咁仔細, 值得一讚; 於是師傅就叫佢開壺香片黎飲下先! 循例地洗下杯洗下碗筷, 接下來當然係黎一口熱茶啦, 坦白講以一間唔係茶樓嘅角度黎講, 呢壺茶確實不錯, 香片清香, 味道可口適中, 不淡不濃, 飲得出落左唔少茶葉, 不錯!
接下來當然係睇下有咩好食啦, 望下個餐牌, 師傅覺得價錢又唔算特別平, 小點都要十一蚊, 中點就十三蚊而大點就十五, 好彩冇特點, 相比起一般酒樓, 其實算貴, 好多酒樓小點都係八個八式更平, 但呢度就免茶免加一, 所以在乎你點睇喇! 望左一陣, 師傅最後柯打左春蛋燒賣, 叉燒腸粉同鳳爪排骨飯!
話咁快就有得食, 原來叫盅飯係有例湯送添, 師傅當然老實不客氣啦, 一兜有成枱都係野, 有冇點兒過份呢? 先講下個鳳爪排骨飯, 鳳爪有一隻, 都算幾入味, 可以啦; 而排骨就幾多, 但係骨多過肉, 加上肥糕頗多, 如果空口食就真係麻麻, 但連飯一齊食亦免強可以啦; 飯粒就略嫌硬少少, 落少少豉油點綴下, 咁會好味d, 就算唔好味都會變得好味好多, 呢d就係盅仔飯豉油嘅神奇之處; 而例湯係青紅蘿蔔湯, 味道清甜冇味精, 又唔油膩, 唔使錢就叫做好抵飲!
春蛋燒賣一籠三粒, 而鵪春蛋生熟程度啱啱好, 食落蛋黃甘香非常, 而鵪春蛋白就脆口, 而唔係爽口, 意思係一咬落去會有卜一聲嘅感覺, 至於下面的燒賣就好鬆化同肉汁好夠, 師傅試真d發覺係以雞肉為主, 當然中間夾雜少少豬肉, 但用雞肉為主黎做燒賣, 師傅都係第一次食, 但感覺真得唔錯; 最後叉燒腸粉一碟三條, 上枱時已經落左熟油喺面, 但師傅覺得佢都幾重手, 一眼望埋去已經見到, 當時師傅點都要加少少豉油, 腸粉本身並非十分之滑, 但亦談不上韌同硬, 而叉燒就幾細粒, 加上肥糕頗多, 所以成碟叉燒腸粉都算一般啫!
總括黎講食物質素合格, 環境都算乾淨舒服, 服務就普普通通, 不能強求, 埋單就三十七蚊; 師傅覺得如果作為宵夜當然未算抵食, 皆因行過隔離就已經有碗十一蚊嘅牛丸麵, 食飽你先啦, 但係凌晨時份可以嘆下茶, 食下點心, 亦另有一番風味! 師傅好肯定咁講日光日白就真係唔會黎, 皆因大把酒樓任君選擇, 但入夜後又係另一回事: 所以有機會都會再黎, 笑臉都可以一比, 皆因淨係夜茶加合格點心都已經值得!
張貼
