河畔強記雞粥海鮮酒家 (已結業)

經過河畔，有好多餐廳選擇，呢間係經朋友介紹，鮑魚雞粥最出名，於是黎試下。呢度宵夜幾平，一個雞粥都係$18，其他宵夜炒粉麵嘅都係$40-50左右。嗌左一個雞粥同乾炒牛河。雞粥啲雞有3、4件，鮑片就有2塊，個粥有啲稀，加啲胡椒粉又幾好味，鮑片幾彈牙，雞就好彩佢比雞比肉，幾鮮嫩，不過不失啦。乾炒牛河幾有獲氣，炒得好香，配料都幾多，炒河恰到好處，夠味之餘唔會太咸，連埋芽菜洋蔥食富有口感，牛肉幾多，又入味，幾有嚼口，值得一試喔！