齊柏林熱狗店 (龍門居)

營業中

休息中

早幾日同朋友夜晚踩單車 例牌黎到龍門居都會買枝野飲 食下宵夜 吹陣水再踩返去 一段時間無過黎 又開左唔少新鋪頭 咁岩見到呢間賣熱狗同kebab既鋪頭 個招牌寫住齊柏林x燃味棧 前者賣熱狗巴 後者係賣kebab既 可能因為店主一次過攞到兩個代理 所以一次過做？無論點都好 對消費者黎講 多個選擇總是好事我就點左火灸芝士辣肉醬熱狗 單點40蚊 加12蚊可以轉餐 有小食同汽水 隻熱狗都幾大隻 芝士俾得好足 鋪到滿晒 不過塊包對我黎講淋左少少 條腸都唔夠脆 而且好似無乜肉味 可能俾個辣肉醬蓋過左 總括黎講 不過不失 下次試下其他款先