影片
更多
2018-07-17
1622 瀏覽
老公公司又開始peak season , 日日忙到唔知幾時收工，今晚終於可以早少少走，但其實都成夜晚9點半鐘😑，好彩我先食定少少野，再等佢收工陪佢食返個日式宵夜😏😏之前一直食開一間浜燒日式料理店，知道佢地而家有做Omakase ,所以早2日打去book定，到時俾老公一個小驚喜，因為佢最近真係太辛苦啦！上到餐廳到差不多10點左右，人流都唔少，我地最愛餐廳裝修好有日本居酒屋感覺，完全可以令人放鬆心情，好好享受。餐廳有好多卡位，私人度高，大大提高舒適度👍🏻👍🏻餐牌預先已經準備好，餐廳會預先問定客人喜好作調配，非常貼心。先order杯啤酒爽一爽先，枱面見到夏日限定冰啤，叫杯試下先梨味冰啤 - 面頭冰泡口感特別，有少少碎冰feel , 梨味唔算太突出，容易入口。頭盤前菜五點蟹肉煮冬瓜 - 冬瓜有少少蟹肉鮮甜味，味道清新。海老啫喱凍 - 口感特別，外軟內爽，蝦肉鮮美。紅酒煮翹頭 - 入口酸咪咪，令人胃口大開。煮螺肉 - 螺肉好有咬囗，味道鮮甜。小蜜瓜 - 即係小青瓜，預先漬製而成，味道酸酸甜甜又好脆口。刺身蜜柑鯛 - 日本宇和島用蜜柑餵養嘅鯛魚，入口有淡淡嘅蜜柑香味，不加任何調味直接享用，入口鮮嫩
之前一直食開一間浜燒日式料理店，知道佢地而家有做Omakase ,所以早2日打去book定，到時俾老公一個小驚喜，因為佢最近真係太辛苦啦！
上到餐廳到差不多10點左右，人流都唔少，我地最愛餐廳裝修好有日本居酒屋感覺，完全可以令人放鬆心情，好好享受。
餐廳有好多卡位，私人度高，大大提高舒適度👍🏻👍🏻
餐牌預先已經準備好，餐廳會預先問定客人喜好作調配，非常貼心。
先order杯啤酒爽一爽先，枱面見到夏日限定冰啤，叫杯試下先
梨味冰啤 - 面頭冰泡口感特別，有少少碎冰feel , 梨味唔算太突出，容易入口。
頭盤前菜五點
蟹肉煮冬瓜 - 冬瓜有少少蟹肉鮮甜味，味道清新。
海老啫喱凍 - 口感特別，外軟內爽，蝦肉鮮美。
紅酒煮翹頭 - 入口酸咪咪，令人胃口大開。
煮螺肉 - 螺肉好有咬囗，味道鮮甜。
小蜜瓜 - 即係小青瓜，預先漬製而成，味道酸酸甜甜又好脆口。
刺身
蜜柑鯛 - 日本宇和島用蜜柑餵養嘅鯛魚，入口有淡淡嘅蜜柑香味，不加任何調味直接享用，入口鮮嫩清香。
金目鯛 - 鮮甜軟嫩，外皮有少少彈性。
牡丹蝦 - 蝦肉爽口鮮甜，而且仲好大隻😍😍
燒物
赤鯥舞茸卷 - 盛裝器皿精緻漂亮，赤鯥魚油豐富，肉質鮮美，入口非常嫩滑，內裏舞茸口感爽嫩，配上少少柚子蘿蔔茸，更添滋味！
炸物
稚鮎魚天婦羅伴白粟米 - 稚鮎魚魚肉嫩滑細緻，不過細骨都比較多，食嘅時候要小心一點，，入口有少少甘甜味，白粟米多汁鮮甜，鮮味爆登👍🏻
浜燒
黃金蟹蓋伴黑魚籽 - 蟹蓋入面有蟹膏，蟹肉，蟹籽，牛油等，先慢慢燒烤再拌勻，原來加咗牛油會更加軟滑，之後再烤脆法包上碟。先將蟹膏放上法包再自己加上香蔥，黑魚籽，入口香味濃郁，整個蟹膏味留向口腔久久不散，超好味呀😍
日本山葵雪糕
第一次食山葵雪糕，入口wasabi 味唔算太濃，有濃濃奶香味，點知到最後竟然有股wasabi辣勁停留在脷上，轉眼就消失，好刺激啊😆😆
老公好滿意今晚既特別宵夜驚喜，仲話估唔到呢度都有Omakase 可以食😋
張貼
