BBQ Chicken Premium Chicken (已結業)

收工突然好肚餓 見到韓國炸雞鋪頭即時令我炸雞癮急升收工十點半撞啱佢哋嘅宵夜時段就買盒韓式宵夜炸雞返屋企食仲好記得去韓國個次旅行，晚晚都買炸雞返屋企食order時店員話要等10分鐘，點知坐低唔係好耐就有，我諗大概5分鐘左右。係銅鑼灣返屋企，仲要咁夜，半個鐘都唔洗就返到屋企。摸摸盒面仲好熱拎出黎仲有埋手套同乾/濕紙巾，非常貼心今次order左「甜辣炸雞」，宵夜時段$145有10件打開原來要自己點醬，醬汁香辣惹味，可惜分量太少，食到第6件已經覺得唔夠醬咬落去脆到不得了，好熱氣既感覺，略為少肉汁，比較乾身。