世華餐廳扒房 (已結業)

1月23日, 夜晚睇完戲, 就到咗宵夜時間, 喺淘大周圍行下, 見到呢間茶餐廳有宵夜特價, 又有電視睇~ 幾年前都食過一次食物唔錯, 唔知而家水準keep唔keep到呢~::: 乾炒牛河 + 凍檸茶 ::: $30 + $2話佢特別嘅地方, 就係蠔油味幾香濃, 一d都唔淡~ 牛肉都幾淋, 不過明顯係落過手腳嘅梳打牛… 而河粉就一貫茶餐廳風格一條一條黐住, 炒唔開咁~ 整體黎講好普通, 同埋都幾油… $30係宵夜價不過又唔算平~::: 鐵板西冷珍寶腸 + 凍檸茶 ::: $40 + $2先黎個忌廉湯同餐包, 忌廉湯完全唔熱, 有d馬虎, 好彩味道唔太差, 唔會太淡… 餐包都只係微暖, 有點硬, 麻麻~ 跟住再上鐵板, 牛扒只係好似早餐嗰d薄牛扒咁, 真係咬咗都唔覺, 味道只算剛好合格~ 條珍寶腸都只係加大碼嘅香腸, 仲要冇司華力腸嗰隻脆皮, 真係未食過呢隻腸, 唔知佢喺邊度入貨… 底下都有薯條, 飽下肚啦~ 不過d薯條又索咗d油, 油到一patpat…可取嘅係間餐廳冇乜人, 又靜靜地, 可以睇好耐電視都得~ 食物水準就明顯下降, 記得以前嘅鐵板都幾好味~ 上黎寫食評先知, 又有一間我地食