奏海鮮火鍋 (已結業)

高質宵夜之選-因為做野既關係，成日都好夜先食飯，今次就去左間新開既邊爐店，估唔到野食又幾高質喎，而且宵夜食超抵，九點半後，除左牛肉同海鮮，全部都照價六折，超抵食啊喂😍。-炸魚片頭($48）肚仔餓到爆炸，叫左個前菜炸魚片頭食先，新鮮熱辣炸起，魚味好濃，沾少少雞醬已經好好食。-番茄薯仔咸豬骨湯($68)番茄薯仔湯估唔到佢咁足料，鍋入面有大量番茄同薯仔，一開始食都唔覺得有咩特別，但食到中段既時候啲精華煮曬出黎，忍唔住要飲返碗湯😛。-牛肉燒賣($58)好少打邊爐會見到燒賣，即管試下佢😂，點知好有驚喜喎，燒賣係新鮮包出黎，放入湯到煮一煮都冇話變形或者散左，而且食落個外皮做得好好，好滑，幾新奇😛。-新鮮農家雞件($68)雞件煮耐左都好滑，而且唔會好瘦冇肉食，雖然份量唔係話好多，但兩三個人分都夠食。