黃明記粥粉麵家 (已搬遷) 新店位置

宵夜黃明記粉面男友口中，久仰大名嘅黃明記 ，前幾日宵夜終於去試下。 地點喺本身比較靜嘅啟德道 ，晚上10點幾，吾算好多人，但都8成台坐滿。叫左2碗紫菜墨魚河、紫菜墨魚鬚、豬什、芥蘭同生菜。紫菜墨丸河河粉係好食既，彈牙，吾似出面食既河粉。墨魚丸係手打既，算鮮，吾算彈口，不過我偏愛有埋墨魚粒有咬口d既墨魚丸。紫菜冇乜特別。紫菜墨魚鬚墨魚鬚好食，仲有好多添，有芫荽，芹菜，芽菜作為配料，加埋辣椒油，好味！豬什最推介呢個，豬什有豬肉，豬潤，豬腸同豬心！豬心最好食，市面都冇乜地方有得食，呢到食到。豬心爽口，不腥，不膩，讚！辣椒油好食！