燒烤堂

營業中

休息中

同朋友飲完嘢就喺銅鑼灣搵吓有咩食，宵夜嘅時間銅鑼灣嘅餐廳都真係山咗好多，就揀咗呢一間燒烤堂！同朋友叫多少少嘢食，順便傾吓偈！支豆大大份，亦都係我最愛嘅送酒小食，個面少少海鹽，令到支豆嘅味道更加突出，暖暖地非常好食！串燒亦都做得唔錯，大推佢嘅雞翼，燒得香之餘，調味亦都好好，絕對唔會比出面既餐廳遜色燒五花腩都好香口，再加少少七味粉食，辣辣地更加好食，入口充滿油香，再飲番啖啤酒，簡直就係正！啤酒係draught beer, 充滿麥香，鍾意啤酒嘅朋友不能錯過！