影片
更多
2016-06-08
359 瀏覽
嚟到尖沙咀一間樓上私房菜，聽朋友介紹大約三百幾蚊一位，有多款海鮮菜色，約十幾個朋友就嚟試下， 餐廳就係漢口道一幢唐樓，入到餐廳裝修幾整齊，兩房一廳家庭式嘅感覺，牆身貼咗一啲餐廳食物相。房裏面有冷氣電視，環境舒服等齊人就食飯啦，今日一共有八個菜式，甜品及老火湯，就介紹幾多我特別鍾意嘅菜式比大家！先有大白菜豬肺湯，一大煲送上足夠12位用，材料豐富湯味濃郁，大家都知煲豬肺湯，清潔步驟繁複，要將豬肺洗乾淨，再煲三四個鐘，湯料有大量豬骨瘦肉胡蘿蔔，飲落有一啲膠質，非常甜美。菜單可以係訂枱嘅時候同老板傾傾，因為我哋人多， 每道菜都好有份量，食第一道菜避風塘炒蟹，蟹肉厚實鮮甜有肉汁，避風塘炸蒜辣椒唔會太辣掩蓋蟹嘅鮮，就好似去咗海邊嘅餐廳到食，蟹殼都被打開，令食客食得方便，我用蟹蓋載起惹味炸蒜，等陣可以伴飯食！荷葉蒜茸蒸蝦飯都十分吸引鏡頭，大蒸籠上面放咗荷葉，令飯粒增加獨特香味，上面更有差不多二十隻蝦肉及蔥粒，顏色上好鮮艷，蝦肉新鮮，廚師將蝦切開一半，去掉蝦腳食起嚟好方便，飯嘅份量好多，十二個人都夠哂食。鮮魚湯什菌，今日有八道菜，煎炒煮炸都有，其中一道魚湯配娃娃菜及什菌，清清地平衡一下，有魚湯更加哂分
嚟到尖沙咀一間樓上私房菜，聽朋友介紹大約三百幾蚊一位，有多款海鮮菜色，約十幾個朋友就嚟試下， 餐廳就係漢口道一幢唐樓，入到餐廳裝修幾整齊，兩房一廳家庭式嘅感覺，牆身貼咗一啲餐廳食物相。房裏面有冷氣電視，環境舒服等齊人就食飯啦，今日一共有八個菜式，甜品及老火湯，就介紹幾多我特別鍾意嘅菜式比大家！
先有大白菜豬肺湯，一大煲送上足夠12位用，材料豐富湯味濃郁，大家都知煲豬肺湯，清潔步驟繁複，要將豬肺洗乾淨，再煲三四個鐘，湯料有大量豬骨瘦肉胡蘿蔔，飲落有一啲膠質，非常甜美。
菜單可以係訂枱嘅時候同老板傾傾，因為我哋人多， 每道菜都好有份量，食第一道菜避風塘炒蟹，蟹肉厚實鮮甜有肉汁，避風塘炸蒜辣椒唔會太辣掩蓋蟹嘅鮮，就好似去咗海邊嘅餐廳到食，蟹殼都被打開，令食客食得方便，我用蟹蓋載起惹味炸蒜，等陣可以伴飯食！
荷葉蒜茸蒸蝦飯都十分吸引鏡頭，大蒸籠上面放咗荷葉，令飯粒增加獨特香味，上面更有差不多二十隻蝦肉及蔥粒，顏色上好鮮艷，蝦肉新鮮，廚師將蝦切開一半，去掉蝦腳食起嚟好方便，飯嘅份量好多，十二個人都夠哂食。
鮮魚湯什菌，今日有八道菜，煎炒煮炸都有，其中一道魚湯配娃娃菜及什菌，清清地平衡一下，有魚湯更加哂分。
豉椒炒聖子皇，聖子皇每隻都大約有筷子咁長，加咗豆豉，三色燈籠椒及芫茜炒香，夾起時，香料都掛係聖子上面，肉質彈牙無沙，新鮮熱辣一共十二隻人人有份。
今晚令我最深刻嘅菜色都係海鮮，連甜品都唔例外，係魚形嘅布甸，有老闆新鮮製造，成條鯉魚都幾得意，如果可以加啲芒果肉，一方面增加果香，又可改善單調嘅口感。
平均消費$310-390/位 （包括加一）可以係房裏面，大聲傾計都唔怕嘈到其他人！
名人私房菜 Celebrity Private Kitchens
星期一至日:18:00-23:00
尖沙咀漢口道25-29號漢光大廈3樓C室
電話：5119 7430
張貼
