影片
更多
2016-05-08
478 瀏覽
公幹返黎 有種西餐恐懼症 朋友話不如試下家常小菜 岩曬我口味 因為平日冇湯水冇住家飯食 家常小菜最歡喜。佢預先訂左枱 呢間私房菜要四人以上先book得。大約$310 一位 可以同老闆傾菜單。上到去 真是好像返屋企咁 好簡單的一個單位 有兩間房 家的感覺 有鋪左膠枱布的餐桌 又電視機 感覺好新鮮 係我的第一次私房菜體驗。餐單朋友一早搞掂 我完全冇理會過。佢話六餸一湯 加一個甜品。。白菜豬肺湯。其實我好少飲豬肺湯 因為娘家話整豬肺湯好麻煩。有白菜 紅蘿蔔 豬肺 南北杏一齊煲 好甜 冇豬骨煲湯個種濃味和油膩 清清地 飲幾碗都唔滯。仲有湯渣俾我們食埋 豬肺好腍 轉眼間已經食曬。。蒸新鮮海班。我唔係魚的愛好者 因為一直怕腥。但是呢條班蒸起黎夠滑之餘 仲完全冇腥味 再加埋好多爆香過的蔥和甜豉油 我都食左唔少。。金銀蒜粉絲蒸扇貝。蒜頭好多 粉絲索曬d汁 好鬼香。扇貝都算大隻 稍為蒸過火了一點 但味道一流。。豉油皇海蝦。海蝦幾彈牙 算鮮甜。豉油汁好惹味。幾夠鑊氣。。避風塘炒蟹。蟹肉好鮮甜 肉質幾嫩。炸蒜 辣椒乾 芹菜炸到好香 送白飯一流。。涼拌手撕雞。驚喜之作。有芒果架噃。芒果好鮮甜 配上爽口粉皮 手
佢預先訂左枱 呢間私房菜要四人以上先book得。大約$310 一位 可以同老闆傾菜單。上到去 真是好像返屋企咁 好簡單的一個單位 有兩間房 家的感覺 有鋪左膠枱布的餐桌 又電視機 感覺好新鮮 係我的第一次私房菜體驗。
餐單朋友一早搞掂 我完全冇理會過。佢話六餸一湯 加一個甜品。
。白菜豬肺湯。其實我好少飲豬肺湯 因為娘家話整豬肺湯好麻煩。有白菜 紅蘿蔔 豬肺 南北杏一齊煲 好甜 冇豬骨煲湯個種濃味和油膩 清清地 飲幾碗都唔滯。仲有湯渣俾我們食埋 豬肺好腍 轉眼間已經食曬。
。蒸新鮮海班。我唔係魚的愛好者 因為一直怕腥。但是呢條班蒸起黎夠滑之餘 仲完全冇腥味 再加埋好多爆香過的蔥和甜豉油 我都食左唔少。
。金銀蒜粉絲蒸扇貝。蒜頭好多 粉絲索曬d汁 好鬼香。扇貝都算大隻 稍為蒸過火了一點 但味道一流。
。豉油皇海蝦。海蝦幾彈牙 算鮮甜。豉油汁好惹味。幾夠鑊氣。
。避風塘炒蟹。蟹肉好鮮甜 肉質幾嫩。炸蒜 辣椒乾 芹菜炸到好香 送白飯一流。
。涼拌手撕雞。驚喜之作。有芒果架噃。芒果好鮮甜 配上爽口粉皮 手撕雞麻油幾香。想像中 以為係麻油或者麻辣味道 點知係有芒果的做法 真是第一次嘗試 好清新。
。薑汁炒芥蘭。
唔會太多油 薑味幾濃 芥蘭算嫩 幾新鮮。。芒果布甸。
魚型布甸 幾滑 花奶夠香 不過我比較鐘意有新鮮芒果肉既布甸 但勝在滑。一餐住家飯 滿足！
張貼
