影片
更多
2017-09-30
2752 瀏覽
媽媽都係愛吃之人，成日有機會就出街試不同美食。最近佢同同事食過百樂潮州，表示又抵好食，小型家庭聚會就book左位試埋尖沙咀呢間百樂小館。百樂小館位於美麗華商場四樓，並唔難搵，雖然唔屬於會隨便經過嘅位置，之但係夜晚七點鐘已經座無虛席。一坐底，侍應先奉上小菜同功夫茶，小茶有花生酸菜，都好開胃。黎到潮州茶館食飯，又點少得潮州打冷。我地先叫左滷水鵝肉拼盆($148)。坊間鵝肉買少見少，大部分餐館嘅菜式都會用鴨肉代替。鵝肉肉質更為細緻有咬口，亦都帶獨特嘅清甜肉味，再加上滷水醃得入味，食到唔停口。滷水豆腐、墨魚片、蛋等等全部水準都屬中上水平，係值得再encore之選。百樂小館做緊promotion，首杯紅酒/白酒只需$10。同妹妹一人要左一款，咁難得同屋企人一齊出街食飯，當然要盡興一下。另一樣前菜，叫左潮式蘿蔔灌漿($48)。蘿蔔灌漿口感特別，一開始以為係蘿蔔酥，點知入口煙煙韌韌，滿口蘿蔔絲，外層亦炸得又薄又香脆。就咁食已經好香甜可口，亦都可以再點埋甜甜地嘅醬汁一齊食。一家四口都係上班一族，屋企好少有湯水飲，尤其係杏汁豬肺、胡椒豬肚湯等等工序繁多嘅湯水。所以出街食飯，我地都特別中意叫啲屋企較少飲到
百樂小館位於美麗華商場四樓，並唔難搵，雖然唔屬於會隨便經過嘅位置，之但係夜晚七點鐘已經座無虛席。
一坐底，侍應先奉上小菜同功夫茶，小茶有花生酸菜，都好開胃。
黎到潮州茶館食飯，又點少得潮州打冷。我地先叫左滷水鵝肉拼盆($148)。坊間鵝肉買少見少，大部分餐館嘅菜式都會用鴨肉代替。鵝肉肉質更為細緻有咬口，亦都帶獨特嘅清甜肉味，再加上滷水醃得入味，食到唔停口。滷水豆腐、墨魚片、蛋等等全部水準都屬中上水平，係值得再encore之選。
百樂小館做緊promotion，首杯紅酒/白酒只需$10。同妹妹一人要左一款，咁難得同屋企人一齊出街食飯，當然要盡興一下。
另一樣前菜，叫左潮式蘿蔔灌漿($48)。蘿蔔灌漿口感特別，一開始以為係蘿蔔酥，點知入口煙煙韌韌，滿口蘿蔔絲，外層亦炸得又薄又香脆。就咁食已經好香甜可口，亦都可以再點埋甜甜地嘅醬汁一齊食。
一家四口都係上班一族，屋企好少有湯水飲，尤其係杏汁豬肺、胡椒豬肚湯等等工序繁多嘅湯水。所以出街食飯，我地都特別中意叫啲屋企較少飲到嘅湯，今次就選擇左鹹菜豬肚湯($128)。豬肚完全無羶味，又足料。唯一係胡椒味都幾重，怕辣嘅人士可能就要再考慮一下，但個人認為辣辣地，感覺更加驅寒。
乳鴿亦都係屋企人出街必點菜式之一，叫左兩隻，全名係紅燒皇子乳鴿伴凱撒沙律($56/隻)。乳鴿燒得十分香脆，食落直頭係卜卜聲，肉質保持鮮嫩，肉汁鮮美，記住襯熱食！
豆醬焗田園雞，好似係入秋嘅新菜式，$238有一大隻。餐廳深深明白相機食先嘅重要性，先原隻上枱，等我地影完相之後再幫我地用手撒開。手撒雞件滑嫩，鹹香味十足，用黎送飯一流。配料中馬蹄尤其突出，非常爽口但又好入味。
沙茶牛肉炒河($118)，外表可能無其他茶式咁吸引，但亦都非常惹味。平時只係知沙茶醬係黎打邊爐點嘅醬料，原來都係潮州菜之一。呢個沙菜醬十分香濃，牛肉完全唔會嚡口，再配上吸收日月精華嘅河粉，食一碗已經飽足。
我同媽媽都十分喜愛芋頭，雖然已經好飽，都叫左一碗福果芋泥($38)齊齊分享。百樂嘅芋泥係我食過有史以黎最足料嘅地方，每一啖都係滑溜香濃嘅芋頭蓉。從紮實綿密嘅口感，已經食得出絕對係真材實料地將芋頭打成蓉。炒芋泥嘅過程絕不簡單，稍為慢少少已經會燶底。呢一碗小小嘅芋泥，已經盡顯師傅工架，亦為我地嘅晚餐寫上完美結幕。
福果芋泥
$38
36 瀏覽
0 讚好
0 留言
張貼
