潮福蒸氣石鍋 (已結業)

難得大家一齊放假，又好耐冇一齊出去食飯所以同屋企人出黎搵好野食，最後聽朋友介紹，黎到呢間潮福蒸氣石鍋。首先，先黎個頭盤－燒肉，皮脆肉嫩，食落去份內惹味，脂香感十足。每枱放左一個大蒸爐，仲可以邊蒸邊煮粥，當然唔少得點大量海鮮豪食啲！大元貝份量相當大份，睇黎今次啖啖肉～蒜蓉大元貝，粉絲完全滲入蒸煮後蒜蓉同薑既味道，元貝落有少少水份，食落去口感唔乾，帶子鮮味彈牙，加上粉絲已滲透既蒜香味，令人胃口大開。生猛龍蝦，遠眼望去已經令人流口水，龍蝦蒸至白色，食落去味道相當鮮甜，清蒸令龍蝦更彈牙，更食到少少既蒜蓉味，相當唔錯！蟲草花蒸新鮮雞，香濃既蟲草中藥氣味，雞肉完全吸收蟲草既精華，蟲草味香，口感細滑，唔錯！