張生記 (已結業)

我同家人都鐘意食中菜，覺得一家人圍住一齊有傾一講係最歡喜。張生記唔係一般酒樓食店，環境較高尚；檯與檯之間寬闊，大家唔會覺得督促或逼夾。杭州四小碟可自己揀選，我地揀左杭州燻魚；美味臘鴨舌；西湖桂花藕及靈隱寺素燒鵝。鴨舌帶有少少辣，怕辣就可能揀其他。我個人最鐘意係西湖桂花藕，蓮藕釀左糯米，煙煙靭靭，超好味！杭州名菜宋嫂魚羹，未食過既話會覺得似魚翅類既湯羹，但並非如此。宋嫂魚羹鮮嫩滑潤且帶有蟹肉滋味，根本同一般既湯羹無法相比。杭州魚丸同我地平時食開既四海潮州魚蛋。杭州魚丸入口帶有空氣感，就好似食緊雪糕/豆腐咁，入口即溶既感覺。西湖藕餅用上兩小薄蓮藕片夾著肉餅, 唔好被外表呃到，因為一d都唔肥膩，脆卜卜，好正。