友義氣‧酸菜魚 (小炒打冷)

營業中

休息中

星期日同屋企人出街之後好攰，大家都想返到屋企樓下食飯，費事自己煮啦咁就去咗樓下食酸菜魚，呢間酸菜魚都食過幾次，夠入味，魚係堅嫩滑，睇得出個大廚控制得個火候好好，我最鍾意食入邊嘅薯粉，好煙韌平時我都鍾意食咕嚕肉，但係原來啱啱整起嘅咕嚕肉係超正，個醬汁酸度同甜度都啱啱好，夠開胃，仲要啱啱炸起，食到醬汁包住嘅炸皮係脆脆地另外，今次叫咗個避風塘茄子（唔記得咗影相）都唔錯，茄子唔算有太厚炸粉，所以出邊層皮都又脆又薄因為屋企人有人食齋，叫咗個紅燒豆腐煲，我覺得個醬汁調味唔錯，但係就唔算太突出個金銀湯浸白菜仔我就覺得麻麻，因為我覺得個白菜仔煮得唔夠「淋」，可以再煮得耐啲