影片
更多
2015-07-03
3245 瀏覽
雖然知道「小南國」晌香港紮根多年，可謂家傳戶曉，若非餐牌內頁有一小段文字介紹，真喺唔知佢落戶香江已超過25年，依家分店遍佈港澳及國內多個主要城市。今晚，就同一班成年無見嘅老朋友嚟尖東嘅小南國食飯，因為大家實在太耐無見，所以，「專登」搵間靜焗啲嘅中菜館，生怕景觀更好嘅北京道小南國會人多太嘈雜。小南國走嘅喺中高檔路線，所以裝修、服務、食品質素都一向屬中上。一室深啡木系傢俬襯象牙白白天花，再配以通花木屏風，優雅而有氣派，就連餐巾都以金線繡上店名，不落俗套，枱櫈嘅安排又唔擠擁，讓人舒適安坐。加上是晚只有6-7乘滿，我哋又要求坐入少少嘅細枱，感覺就更為幽靜。小南國專注經典滬菜，亦偶有創新之作，嚴選上海本地食材，所以，亦喺小弟揀佢同朋友食飯嘅原因之一。雖然貴為米芝蓮推薦餐廳，但收費合理，消費門檻唔高，順帶一提，茶位只收$12位，餐前小食都喺只收$12碟，幾多人會收幾多碟，清晰無誤唔會有爭議，另收加一就指家動作啦！鹹脆花生、香辣菜脯 @$12先嚟個開胃前菜間吓場，邊食邊等，花生鹹香清脆，菜脯爽脆惹味。由於女士眾多，食力有限，所以，今晚唔會點太多肉，冷盤及蔬菜類點多少少；雖則上海菜一向講求濃油赤醬，不
小南國走嘅喺中高檔路線，所以裝修、服務、食品質素都一向屬中上。一室深啡木系傢俬襯象牙白白天花，再配以通花木屏風，優雅而有氣派，就連餐巾都以金線繡上店名，不落俗套，枱櫈嘅安排又唔擠擁，讓人舒適安坐。加上是晚只有6-7乘滿，我哋又要求坐入少少嘅細枱，感覺就更為幽靜。
小南國專注經典滬菜，亦偶有創新之作，嚴選上海本地食材，所以，亦喺小弟揀佢同朋友食飯嘅原因之一。雖然貴為米芝蓮推薦餐廳，但收費合理，消費門檻唔高，順帶一提，茶位只收$12位，餐前小食都喺只收$12碟，幾多人會收幾多碟，清晰無誤唔會有爭議，另收加一就指家動作啦！
鹹脆花生、香辣菜脯 @$12先嚟個開胃前菜間吓場，邊食邊等，花生鹹香清脆，菜脯爽脆惹味。
鹹脆花生、香辣菜脯
$12
142 瀏覽
1 讚好
0 留言
糖醋小排骨 $75喺多款冷盤嘅招牌菜之一，以蕉葉包裹住，顯得更為的骰。小排骨肉質軟腍，個糖醋汁包勻每粒排骨，甜酸得嚟唔嗆喉，冰冰涼涼挺開胃。
糖醋小排骨
$75
133 瀏覽
0 讚好
0 留言
仲諗住喺冷盤，份量會唔喺好多，但足夠我哋一人一嚿。魚肉切成細件，燻得黝黑，好有煙燻香，肉質挺實而鬆化。
特色燻魚
$78
122 瀏覽
0 讚好
0 留言
好喜愛嘅上海冷盤之一，亦喺另一款店方嘅招牌涼菜嚟。雖然只伴有木耳同毛豆雙喜 ，稱唔上「四喜」（一般會用金針、木耳、鮮冬筍、香菇），但麵筋香軟索晒醬汁，甜中帶鹹，而木耳夠爽、毛豆清甜。
四喜烤麩
$48
121 瀏覽
0 讚好
0 留言
睇落去好似得一種食材，其實有金瓜絲同海蜇皮，不過，兩者切得幼細修長，盡顯師傅刀功，色澤同樣帶金黃。前者即喺南瓜，大家都話估唔到喺南瓜，因為入口清爽脆身，有點麻油香，而後者唔使多講，爽得嚟有份韌勁，好有驚喜嘅涼菜。
金瓜絲海蜇皮
$68
119 瀏覽
0 讚好
0 留言
講明唔多點肉，我哋就只叫咗一道八寶鴨，可揀紅燒或香酥，即喺要煮定要炸，揀後者絕對因為貪其香口。炸好嘅八寶鴨無想像中咁大飯，「相機先食」過後，可要求店員幫忙切件，不過，其實自己切都好容易，因為鴨殼已經炸得好酥脆，見個經理手起刀落，一切就開。
八寶鴨
$238
102 瀏覽
0 讚好
0 留言
上海小棠菜 $78一道濃濃嘅八寶鴨，再落嚟嘅上海小棠菜，就抵銷番之前嘅濃膩，小棠菜可揀選配百頁、鹹肉或鮑魚菇，百頁喺上海菜嘅特色食材，既然要清，就更要揀佢啦。個菜雖然話清，卻喺一啲都唔寡，因為有上湯墊底，令小棠菜更清甜，百頁又富豆香，加埋少許木耳，認真健康。
上海小棠菜
$78
92 瀏覽
0 讚好
0 留言
麵筋煲喺惹味之選，煲內只有冬菇、麵筋、小棠菜，但因為以濃郁嘅醬油去煮，一樣好味，依道菜最啱就喺伴飯。
香菇麵筋煲
$78
118 瀏覽
0 讚好
0 留言
大家都唔喺「飯桶」，唔使叫白飯嚟撐飽，所以，就點一客上海鹹肉菜炒飯嚟墊墊肚、過過飯癮。一客大概夠4-5人，不過，個個要少少，都夠我哋7個人一人一小碗。飯粒分明，炒得夠晒乾身，鹹肉（金華火腿）同菜都適量，令個飯有微微鹹香。
上海鹹肉菜炒飯
$68
141 瀏覽
0 讚好
0 留言
棗泥千層糕 $38 / 3件、上海桂花拉糕 $38 / 3件比起早前晌前門飯飯莊所食嘅棗泥糕，質素真喺天壤之別，當然兩者價錢都有啲差異。無論棗泥千層糕，抑或上海桂花拉糕，均做得精緻可人，賞心悅目，前者口感煙韌，棗味濃香，而後者將蒸好嘅拉糕加入桂花糖，煙糯唔黏牙，齒頰留香，清香唔太甜。
棗泥千層糕、上海桂花拉糕
264 瀏覽
0 讚好
0 留言
張貼
