影片
更多
2021-09-02
14 瀏覽
有時覺得出街食飯食得太多真係會好攰，又或者會想直接邀請朋友上自己屋企度聚下，呢個時候真係好啱搵啲可以一齊食得開心又好玩嘅活動——烤串燒就係一個超適合嘅選擇喇！呢間一口沙嗲專門店除咗有幾款肉類串燒可以選擇，連燒烤爐都可以喺呢度買埋，而且價錢相比起出面嘅仲平啲添。可以話係一站式服務，一餐串燒要嘅嘢全部都可以喺度買到，唔似得如果你要打邊爐，就可能要去街市買菜買肉、超市買湯底、雜貨鋪買煲之類咁麻煩。肉類有四種，分別有沙嗲豬、沙嗲雞、沙嗲羊、沙嗲牛。沙嗲味非常香濃，而且標榜係馬來西亞祖傳秘方，繼承正宗星馬風味之餘依然做到無添加，相比去其他地方食串燒可以食得開心啲又放心啲。幾款肉都非常煙韌滑嫩，嚼勁一流。而且即使係烹飪細胞欠奉嘅我都好快上到手，用呢個爐嘅火候依然唔難燒得出食得又見得人嘅串燒，正啊～原味同辣味花生醬各有特色，我就梗係鍾意辣味多啲～但講真其實兩款嘅花生香都同沙嗲味好夾，脆脆嘅花生碎夾埋肉嘅口感就層次更加豐富，真係幾唔錯👍🏼
呢間一口沙嗲專門店除咗有幾款肉類串燒可以選擇，連燒烤爐都可以喺呢度買埋，而且價錢相比起出面嘅仲平啲添。可以話係一站式服務，一餐串燒要嘅嘢全部都可以喺度買到，唔似得如果你要打邊爐，就可能要去街市買菜買肉、超市買湯底、雜貨鋪買煲之類咁麻煩。
肉類有四種，分別有沙嗲豬、沙嗲雞、沙嗲羊、沙嗲牛。沙嗲味非常香濃，而且標榜係馬來西亞祖傳秘方，繼承正宗星馬風味之餘依然做到無添加，相比去其他地方食串燒可以食得開心啲又放心啲。
幾款肉都非常煙韌滑嫩，嚼勁一流。而且即使係烹飪細胞欠奉嘅我都好快上到手，用呢個爐嘅火候依然唔難燒得出食得又見得人嘅串燒，正啊～
原味同辣味花生醬各有特色，我就梗係鍾意辣味多啲～但講真其實兩款嘅花生香都同沙嗲味好夾，脆脆嘅花生碎夾埋肉嘅口感就層次更加豐富，真係幾唔錯👍🏼
張貼
