味苑 (已結業)

放工去睇戲, 就響戲院對面食埋野, 大人話想食中餐叫餸, 睇左幾間, 呢間四四正正又唔貴.小型菜館荃灣都幾多, 不過呢間環境最好, 夠大夠光猛, 最緊要夠乾淨.燒味雙拼可自選兩款, 义燒燒至微焦, , 半肥瘦入口夠香, 鬆軟而不油膩, 啖啖滲出甜味.燒腩仔皮夠脆口, 燒得夠香, 脂肪同樣香而不膩, 入口夠嫩.小炒皇有韮菜花, 花枝片, 魚乾, 腰果等, 韮菜花新鮮翠綠, 咬落好爽口. 配料幾多, 花枝片軟腍唔韌, 魚乾唔會太硬, 成碟都好惹味.加埋兩碗白飯, 簡單家常便飯已夠滿足.