影片
更多
2018-09-01
118 瀏覽
上個月食完, 今日又黎食, 喺尖沙咀行完街諗唔到食乜通常都會上嚟一食就醉搞掂, 貪佢有平有貴, 跟老闆嚟食可以坐房食名貴的鮑參翅肚, 若然同工作夥伴或朋友嚟食, 通常就會坐大房食家常便飯。今日又嚟跟朋友晚飯, 大房專做散客, 大概得五張枱, 要食最好預先打電話嚟訂位, 今晚叫呢個抵食二人三餸套餐, ABC 各選一餸, 有飯有湯$288, 餸菜味道不錯, 選擇又多, 可加$50改蛋白炒飯/乾燒伊面/乾炒牛河等, 若然你冇我地咁大食, 其實呢個餐夠3人食.椒鹽九肚魚炸得好香, 撒上椒鹽蒜蓉更加惹味, 魚肉滑浖浖, 送飯一流啫啫雞煲爆香大量洋蔥辣椒再加醬油炆雞, 加埋芫茜香芹, 令雞煲上檯頗香, 今次醬油就下得重手左啲。鷄件嬾滑入味魚肚浸時蔬雖然抵食, 不過落料非常足, 你睇下幾多魚肚 娃娃菜及魚肚用上湯浸, 魚肚爽滑, 娃娃菜腍甜, 好食花膠燉鮮奶（$38）我都係第一次喺呢度食呢個甜品, 鮮奶香甜, 花膠都幾厚身, 亦燉得腍滑, 不過花膠分量就少咗啲, 就係得呢大舊咋
今日又嚟跟朋友晚飯, 大房專做散客, 大概得五張枱, 要食最好預先打電話嚟訂位, 今晚叫呢個抵食二人三餸套餐, ABC 各選一餸, 有飯有湯$288, 餸菜味道不錯, 選擇又多, 可加$50改蛋白炒飯/乾燒伊面/乾炒牛河等, 若然你冇我地咁大食, 其實呢個餐夠3人食.
椒鹽九肚魚
炸得好香, 撒上椒鹽蒜蓉更加惹味, 魚肉滑浖浖, 送飯一流
啫啫雞煲爆香大量洋蔥辣椒再加醬油炆雞, 加埋芫茜香芹, 令雞煲上檯頗香, 今次醬油就下得重手左啲。
鷄件嬾滑入味
魚肚浸時蔬
雖然抵食, 不過落料非常足, 你睇下幾多魚肚 娃娃菜及魚肚用上湯浸, 魚肚爽滑, 娃娃菜腍甜, 好食
花膠燉鮮奶（$38）我都係第一次喺呢度食呢個甜品, 鮮奶香甜, 花膠都幾厚身, 亦燉得腍滑, 不過花膠分量就少咗啲, 就係得呢大舊咋
張貼
