玉桃軒酒家 (康怡廣場) (已結業)

最近撞番個中學老師，咁耐冇見就約咗個舊同學同老師一齊出嚟食個飯，老師喜歡食中餐，今晚就去咗玉桃軒食飯。今晚叫左個晚膳三寶，包括一品蒜香雞半隻、清蒸海石斑一條、蜜豆百合炒藕片，仲叫咗個原煲明火靚湯。一品蒜香雞半隻，雞髀肉質嫩滑。清蒸海石班都幾大條，幾新鮮。蜜豆百合炒藕片份量都好多，老師話食咁多肉加返個菜感覺會好啲。原煲明火靚湯係成煲上嘅，西洋菜陳腎煲生斑魚湯，啲湯好清甜，我都幾鍾意食D湯渣，清熱醒胃。