新福記酒家

營業中

休息中

假期的晚飯時間 ，周圍都多人， 所以我未雨綢繆 ，一早訂定呢度晚飯。 連續幾日假期 ，日日都周圍食， 今晚諗住食簡單啲 ，見到呢度有啲小菜都幾吸引， 特別係有一個苦瓜炒涼瓜， 好搞笑。 見到個餐牌度有鮑魚啫啫雞煲， 應該都幾惹味好餸飯， 於是就決定揀呢兩樣餸。 我哋嚟得早， 都唔係太多人 ，所以比較安靜。 點咗餸大概十分鐘 就可以上菜 ，個雞煲都幾吸引 ，份量不小，香噴噴 ，不過 ，鮑魚就有少少難搵， 因為好細粒， 不過都搵到四粒鮑魚 ，算係對版喇 。鮑魚唔使多 ，最緊要好味， 個雞煲都好多肉， 而且配料十足 ，用薑蔥蒜冬菇藜燜，仲有好多塊豬潤， 燜得又香又嫩， 非常好食， 價錢仲唔貴 ，128蚊一大煲， 性價比高， 係一個值得推介嘅小菜。 涼瓜炒苦瓜 ，其實就即係炒涼瓜， 切得好大塊， 用蒜頭豉椒炒， 好香， 火喉好好 ，可見廚師功夫都不錯。 所以呢一餐食得好開胃 ，食完仲有綠豆沙送。而家兩個人出街晚飯 ，埋單二百幾蚊 ，算係幾實惠嘅 ，所以呢度應該係值得推薦嘅地方 。