大壹燒鵝 (啟田大廈)

營業中

休息中

今日去開藍田，晚飯就係個邊搞掂埋佢。行經大壹燒鵝，都幾多人又有小菜又有燒味，就入去醫肚。叫了一個套餐，包飯，湯，三小菜。加五蚊可有熱飲。有成三十多款小菜揀😍老火湯足料，有雞有肉有紅蘿蔔，唔油膩，熱辣辣，唔會死鹹個隻，返到屋企都唔會好口渴。燒味點了豉油雞拼叉燒。好好彩有整隻雞髀😍😍，皮脆肉嫩好juicy, 叉燒都不錯，唔會又硬又乾。藍田小炒皇有炸芋條，紅黃椒，韮菜，魷魚，帶子粒，銀魚仔一齊炒，銀魚仔炸過後非常香口又帶咸香，好惹味，都好啱送飯。野菌勝瓜魚湯浸魚肚燒味小炒都有啲乾，叫番個魚肚可以平衡番。魚肚份量都多，如果煮得淋啲可以索個魚湯會更好。勝瓜爽甜又冇渣，索左湯汁好滋味。最後再叫番杯熱鴛鴦同菜蜜，舒舒服服坐多會😊 每人埋單都係百五蚊，食到好飽。服務員服務非常好，親切有禮，值得一讚。