金記冰室 (置富南區廣場) (已結業)

置富附近餐廳選擇唔多，見到新開張既金記好有興趣，立即要黎試試無冰奶茶 (配餐+$5轉配)去茶餐廳食野，最緊要係杯奶茶。奶茶可以睇得出一間茶餐廳既功架。無冰奶茶唔會比冰減淡左茶味，可以保持香濃。金記既無冰凍奶茶，茶濃、奶滑，飲落舒暢。芝麻黑糖醋骨 $58芝麻黑糖醋骨外層有薄薄糖衣，肉質鬆化，灑上芝麻更加香口。酸酸甜甜既味道大人小朋友都愛金磚風沙炸豆腐 $58豆腐外層炸得金黃香脆、內裡保持嫩滑，灑上金黃炸蒜，即成一道經典美味小菜。從炸皮睇得出餐廳用既唔係萬年油，否則會有油"益"味同埋皮會較為深色。雜菌扒時蔬 $44雜菌菌類起碼有3種，醬汁比較厚身，可以附在白菜仔上，令每條白菜仔都沾滿醬汁，食落較為惹味。