百味鮮辣蟹專門店 (已結業)

天氣好熱, 與其喺屋企食飯, 不如出街食返餐, 更加方便諗起有段時間冇食呢間百味鮮, 於是就過去食個晚餐好多人都覺得去食百味鮮一定要食蟹, 但大食妹覺得佢嘅家常菜更加優勝<金銀蒜白玉蒸龍躉>金銀蒜白玉蒸龍躉嘅白玉即係豆腐, 食落水嘟嘟蒸龍躉非常鮮甜, 配搭金銀蒜同蒸魚豉油, 簡單又好食<炸子雞>我哋仲嗌左半隻炸子雞炸子雞外皮又薄又脆, 食落啖啖肉<香蒜牛仔粒>香蒜牛仔粒嘅牛仔粒非常軟熟, 同洋蔥、雜菌同香蒜翻炒過, 送飯一流<野菌魚腐濃湯浸時蔬>天氣開始有啲熱, 食太多肉又好似唔係咁好我哋仲嗌多一份野菌魚腐濃湯浸時蔬, 魚腐好多, 感覺好滋潤<鮑魚汁雞粒炆飯>最後當然唔少得主食但食到最後先發現有啲太飽, 於是大食妹就打包左做第二日午餐鮑魚汁雞粒炆飯非常入味<椰果鮮奶燉桃膠>椰果鮮奶燉桃膠都好唔錯, 桃膠、椰果同雲耳都好足料