鏞記酒家

營業中

休息中

阿媽話想食粵菜，取後決定去鏞記。點咗一份例牌燒鵝，本身賣相唔錯，食落外焦裡嫩，搭配醬汁恰到好處，洗去咗啲油膩感，食完仲有空間試其他菜式。我最鍾意份蜜針金錢雞，用鵝膶、肥豬肉、馬蹄片疊埋一齊，好似燒叉燒咁加蜜糖燒到肉邊輕微焦黑，肥豬肉明亮通透，一啖咬落去香味四濺,可惜膽固醇過高唔敢多食。阿妹出奇地最欣賞份手剁吊片蒸肉餅，外表平平無奇嘅家常菜，勝在食材好又夠惹味。媽媽鍾意蝦籽紮蹄，話已經無咩餐廳仲會整呢啲手工菜，而且鏞記應該有精心選料，腐皮有豆香，蝦籽亦有鮮味十足，整體相當不錯。