家常麵

營業中

休息中

家常麵小店❤️我哋叫咗一碟涼拌小雲耳。作為前菜，佢酸酸辣辣咁樣非常開胃。最好嘅就係佢唔會好似其他舖頭咁整得太酸。食得辣嘅朋友，就可以加佢哋整嘅秘製辣醬，就會更加惹味。蒸餃子可以選擇都有四種，一種係白菜豬肉，一種係韭菜豬肉，一種係椰菜豬肉，一種係芹菜豬肉，我就揀咗韭菜豬肉，賣相好靚，而且入面餡料都好多，脹卜卜！蒸餃另一個好處就係佢個皮唔會過硬，而且唔會太厚。擔擔菜肉雲吞麵好有上海風味。佢唔係整得太辣，可以比適合自己調校適合自己嘅辣度。同佢其他雲吞一樣 ，雲吞麵嘅雲吞好足料，皮薄餡靚。我哋叫咗一碟炸雲吞。雲吞炸得好鬆脆，每台食客都食到有好脆口嘅聲音。個餡入邊嘅豬肉唔錯㗎。仲有個泰式辣醬點。平時其他餐廳嘅洛神花茶，一係溝到好淡，冇乜味，一係就搞到好酸味，搞到我都唔係咁鍾意，但係呢度嘅洛神花茶入面有少少山楂，令到佢嘅甜味增加，又唔會帶走佢本身嘅酸味，幾特別。豆漿就正正常常啦，食個麵配杯豆漿就飽晒啦。