太元樓

營業中

休息中

周未放假同屋企人去到舊區行下感受下舊區小巷既特色， 行到夜晚就誤打誤撞入左呢間餐廳食飯。作為中菜餐館都幾多選擇大多係上海同四川菜，但屋企人比較鍾意食上海菜所以都偏向點上海菜。花雕醉雞酒味香濃雞肉吸盡酒香但入口又唔會有強烈酒既苦澀味，雞肉經酒浸過後質感嫩滑內裏骨髓都變成啫喱狀。小籠包充滿住鮮肉湯汁肥肉唔算多，味道香而不膩內裏帶肉少蔥多左份蔥香味，夾起唔易散同穿皮的厚可以接受。賽磅蟹份量多內裏除左蛋白外配料有瑤柱毛豆同魚肉味道唔會過淡但蛋白炒得少少過火如果嫩滑少少口感就好好多。