影片
更多
2024-06-19
539 瀏覽
餐廳：鳥炎屋 (尖沙咀)地址：尖沙咀亞士厘道17-19號4樓呢幾年因為大環境同經濟影響下，唔少餐廳都相繼結業🚫，甚至乎一啲老字號或者連鎖餐廳都捱唔過呢幾年嘅洗禮，所以當我仲見到一啲開咗好幾年都仍然堅持嘅餐廳小店，我都真喺好想好好咁幫襯同支持佢哋💪相信大家都好熟悉尖沙咀亞士厘道，唔刻意搵都真喺唔知原來呢度有間開咗7年幾嘅樓上家庭式日本餐廳——鳥炎屋，佢哋主打居酒屋料理🏮，午市為附近嘅打工仔提供多款午市套餐🍱，晚市就以A La Carte Menu為主，提供壽司🍣、刺身、串燒、爐端燒、一品料理、炸物，鍋物等，款式都真喺幾多選擇🤩。佢哋依家仲做緊7週年大放送，超過25款美食有折扣優惠🎊先叫咗幾款壽司：火炙燒玉子串($40)、赤蝦壽司($58)同鰻魚火炙壽司($42)，雖然價錢感覺有啲貴，但上枱之後又幾有驚喜😍，夠厚又夠大件嘅玉子燒包住壽司飯，面頭放上一層芝士同沙律醬再炙燒🔥，每啖食落都有炙燒香；赤蝦比我想像中鮮甜爽口🦐，一啲腥味都無；厚肉嘅鰻魚燒香後加上鰻魚汁，面頭帶有焦脆口感👍✝️黑松露牛油果卷 $60一客有6件，壽司飯當中包住紫菜同新鮮牛油果，面頭加咗芝麻粒同黑松露，一啖放入口先有陣陣黑松
地址：尖沙咀亞士厘道17-19號4樓
呢幾年因為大環境同經濟影響下，唔少餐廳都相繼結業🚫，甚至乎一啲老字號或者連鎖餐廳都捱唔過呢幾年嘅洗禮，所以當我仲見到一啲開咗好幾年都仍然堅持嘅餐廳小店，我都真喺好想好好咁幫襯同支持佢哋💪
相信大家都好熟悉尖沙咀亞士厘道，唔刻意搵都真喺唔知原來呢度有間開咗7年幾嘅樓上家庭式日本餐廳——鳥炎屋，佢哋主打居酒屋料理🏮，午市為附近嘅打工仔提供多款午市套餐🍱，晚市就以A La Carte Menu為主，提供壽司🍣、刺身、串燒、爐端燒、一品料理、炸物，鍋物等，款式都真喺幾多選擇🤩。佢哋依家仲做緊7週年大放送，超過25款美食有折扣優惠🎊
先叫咗幾款壽司：火炙燒玉子串($40)、赤蝦壽司($58)同鰻魚火炙壽司($42)，雖然價錢感覺有啲貴，但上枱之後又幾有驚喜😍，夠厚又夠大件嘅玉子燒包住壽司飯，面頭放上一層芝士同沙律醬再炙燒🔥，每啖食落都有炙燒香；
赤蝦比我想像中鮮甜爽口🦐，一啲腥味都無；
厚肉嘅鰻魚燒香後加上鰻魚汁，面頭帶有焦脆口感👍
✝️黑松露牛油果卷 $60
一客有6件，壽司飯當中包住紫菜同新鮮牛油果，面頭加咗芝麻粒同黑松露，一啖放入口先有陣陣黑松露香😌，香得嚟唔會太過濃味，咬多幾啖就品嚐到牛油果嘅綿滑質感同滋味🥑
串燒叫咗佐賀縣雞髀肉串($40)同北海道雞肝串($38)，
兩串都喺用咗汁燒方式處理🍢，
前者啖啖雞髀肉加上薄脆嘅雞皮幾惹味😋；
後者帶有獨特油脂甘香，入口軟綿綿表面有啲焦香，一串就啱啱好唔會太過膩
✝️味噌廣島蠔$168
除咗5隻飽滿唔腥嘅廣島蠔之外🦪，
仲有味噌清湯熬煮而成嘅雜菜，包括金菇、雜菌同娃娃菜，如果呢個時候配返碗白飯或者烏冬就一流🍲
✝️木魚絲苦瓜玉子薄餅
苦瓜同雞蛋嘅香味互相輝映，苦瓜嘅味道無我想像中咁出，唔會搶咗其他食材嘅味道，
加上木魚絲嘅鹹香，整體balance得幾好，不過我就略嫌鹹咗少少🤏
張貼
