善福堂

營業中

休息中

喺附近做嘢同行街到有啲攰同口渴，喺地圖搵到呢間細細哋嘅涼茶舖，又有幾個位坐(宜家唔少涼茶舖都淨係買完攞走無座位)，所以入咗去坐下。店面有個叔叔同女仔各自睇緊電話/tablet，感覺好悠閒。呢度龜苓膏比出面市價$50平，只係賣$43，份量十足。店主好好禮貌，又自動端埋一瓶蜜糖出嚟，龜苓膏好滑又唔算好苦，好好食。而且成間舖好有老香港樸素嘅感覺。其餘涼茶都只係十幾廿蚊一杯，以涼茶舖嚟講係正常價錢。宜家涼茶舖越嚟越少，路過絕對推薦幫襯下，又有益身體，攰嘅又可以坐低飲完先走。