餃里 (蕪湖居)

營業中

休息中

位於蕪湖居嫩雞煨麵餐廳，隔離開咗一間餃子店餃里，見到有好多人買外賣生餃於是入去試吓餐主打冇味精湯，配上自家製新鮮餃子，非常有心思餐廳係一間小店非常有人情味仲會一一介紹唔同餃子嘅分別。我同朋友今次就試咗咖喱鮮肉煎餃，芝士粟米煎餃，白菜鮮肉湯餃配蕃茄薯仔湯底及韭菜鮮肉碎餃配椰子豬骨湯。每隻餃子嘅餡都非常飽滿，非常有滿足感個人最喜歡佢哋嘅煎餃。芝士粟米煎餃入口濃郁芝士，咖喱鮮肉煎餃非常惹味咖喱香，估唔到咖喱配上水餃都非常夾。蕃茄薯仔湯底及椰子豬骨湯底非常有媽媽家庭煲湯嘅感覺食得出佢哋係真材實料。另外我哋仲加咗$9要咗個細撈麵，少少辣配上煙靭嘅面底，忍唔住一啖啜一啖，最後仲encore咗咖喱鮮肉餃子外賣返屋企。紅磡平時冇乜水餃店依間如果唔想食得太油非常推薦。