寶膳餐廳

營業中

休息中

平日好少去鴨脷洲，所以對附近嘅食肆同物價都唔多清楚。今晚有街坊帶路嚟幫襯一下區內餐廳 - 寶膳，聽街坊講平日都會嚟呢度食早餐 / 晚餐，佢係區內算唔錯街坊街里總帶啲感情同回憶，但對於我呢個街外「客」嚟講，我就只針對於食物同埋想要少少服務。是日晚餐 - 香煎龍脷魚，香草雞扒，羅宋湯 or 餐飲羅宋湯自家製羅宋湯，材料豐富，蔬菜味道濃郁酸酸甜甜，配蒜蓉包，非常開胃香煎龍脷魚以為係坊間嘅急凍魚柳，上枱先知係原條龍脷魚，即時覺得性價比超高！條魚煎得好香脆，魚肉都幾多，鍾意食魚嘅朋友一定唔可以錯過！！香草雞扒雞扒厚身，外皮香脆，肉味豐富，香草令本身冇乜味嘅雞扒增添味道層次。配新鮮瓜菜伴碟，整體幾清新。寶膳屬於家庭式嘅街坊小店，店內唔算大，街坊幫襯閒談，氣氛熱鬧。價格方面算中上價格，唔係附近街坊嘅話，未必會成日嚟幫襯。今日到此一遊，算見識過喇！