Oasis Cafe & Party House (已易手) 新餐廳

有個朋友見到呢間有優惠，就約我哋上嚟食餐飯見下面。我之前睇咗啲評語都唔多好，上到黎就深深體會到啲評語又幾啱喎。呢度係好似家庭式運作咁樣，好似兩公婆咩起成間餐廳，所以好多嘢都係落左單之後先逐樣煮，所以上菜超慢。我哋每人叫咗一個貌似差唔多樣嘅意粉，但係上每一碟都隔左10分鐘，搞到等齊都凍哂啦。食物方面都幾普通，就係普通Cafe食咪咁囉。嘢飲就普通茶記食物，柚子蜜，奶茶等等。呢度都叫有啲boardgame可以玩下，環境都算幾適合後生仔女。