喜來稀肉 (瓊華中心)

營業中

休息中

放工後去到旺角瓊華中心食喜來稀肉，餐廳主打家庭風，枱同座位都好寬闊，啱晒親友聚會！一入座，未點餐已經淋上蛋漿係爐邊，因為蛋漿成形需要一段時間，烤完肉就差不多成形喇！泡菜等等嘅配菜任拎，有數款醬油，生菜都係任拎，生菜好乾淨新鮮，拎嚟包肉都好放心食！牛護心肉(150g) $160————————————帶有筋膜，燒烤後仍有彈性有嚼勁，牛味濃郁，唔會過韌，加上黑椒醃製，好味🤤韓豚五花肉(150g) $180————————————一層厚厚嘅油脂，同生菜一齊食勁夾🥹薯仔餅 $90————————————一條條薯仔絲煎成薄餅，少許焦烤非常香口，配上少少肉碎，好食！海鮮拉麵 $65————————————本來以為係辛辣麵嘅麵底，點知原來麵底係一款粗麵，非常彈牙，湯底帶點香辣味道，有蝦同埋青口，食一碗暖暖嘅韓式拉麵真係好正。最後蛋漿已經凝固咗啦，超滿足。