E-mo Korean Restaurant (已結業)

黎屯門行街街，友人大力推薦呢間韓國野，驚多人等位，我地一早黎到食早場，順便留肚食甜品。等左一陣就有枱，嘩嘩嘩，落單嗰個係韓國人黎架，仲好好禮貌添，友人勁興奮囉。石頭窩飯，無加肉，雖然得菜類但唔寡架。跟住佢牆上嘅畫去落辣醬麻油去撈撈撈，攪到一堆咁食得啦。味道唔錯，韓國辣椒醬真係好好味。泡菜煎餅，泡菜份量落得唔多，食落大部分係粉，少少泡菜，不過都夠味嘅，煎得唔油。紫菜卷，又係無加肉，素菜都好好食。蘿蔔少少酸又鹹鹹地，咬落卜卜脆，紫菜軟身得黎又唔會韌，一口一件食得好方便。單，無加一架。