影片
更多
2016-04-11
298 瀏覽
久不久既家庭聚會，通常都會食中餐，今次揀左開張左無耐既「景逸軒」，呢到地點都算幾就腳，由美麗華商場行過去都唔洗5分鐘，環境都幾好唔太嘈，亦都有種高級華麗既感覺，幾適合一家人食飯傾計。餐牌設計精美，選擇都好多，最後揀左唔同既菜，肉，炒飯同湯。台南七味豆腐:七味豆腐色澤金黃，係豆腐粒上沾上麵粉後炸成，炸起後表層酥脆，但係咬落仍能夠食到豆腐既香滑，上檯時仲係熱辣辣，都要慢慢食。脆皮燙手乳豬 (半隻):乳豬既口感同味道都唔錯，乳豬既皮脆卜卜，肉質都幾香，肥膏都唔算多。脆皮素鵝:素鵝係用腐皮整既，D皮炸得好脆好甘香，餡料好豐富，有紅蘿蔔同埋各種菇，食落都幾開胃。瑤柱花膠四寶羹:海皇羹加左少少花膠同菇後整成，花膠煮得剛剛好，茨水調得幾好，唔會有飲漿糊既感覺。琥珀雀巢海中寶:呢味餸用既兜係用食物整食既「雀巢」，實質用咩黎整就真係食唔出，「雀巢」裡面盛載著魚，四季豆，雜菜同埋合桃，賣相幾靚，味道都唔錯。八寶時蔬拼盤:時蔬拼盤比較普通，都係有菜，黃椒，草菇，蕃茄同埋金菇，蕃茄切到花型，睇得出廚師好有心機去預備，係花既中間再加左D金菇，睇落好吸引。濃湯桃膠浸菜心: 呢味餸有D似雜菜煲，菜心同竹笙等等既菜吸
餐牌設計精美，選擇都好多，最後揀左唔同既菜，肉，炒飯同湯。
台南七味豆腐:七味豆腐色澤金黃，係豆腐粒上沾上麵粉後炸成，炸起後表層酥脆，但係咬落仍能夠食到豆腐既香滑，上檯時仲係熱辣辣，都要慢慢食。
脆皮燙手乳豬 (半隻):乳豬既口感同味道都唔錯，乳豬既皮脆卜卜，肉質都幾香，肥膏都唔算多。
脆皮素鵝:素鵝係用腐皮整既，D皮炸得好脆好甘香，餡料好豐富，有紅蘿蔔同埋各種菇，食落都幾開胃。
瑤柱花膠四寶羹:海皇羹加左少少花膠同菇後整成，花膠煮得剛剛好，茨水調得幾好，唔會有飲漿糊既感覺。
琥珀雀巢海中寶:呢味餸用既兜係用食物整食既「雀巢」，實質用咩黎整就真係食唔出，「雀巢」裡面盛載著魚，四季豆，雜菜同埋合桃，賣相幾靚，味道都唔錯。
八寶時蔬拼盤:時蔬拼盤比較普通，都係有菜，黃椒，草菇，蕃茄同埋金菇，蕃茄切到花型，睇得出廚師好有心機去預備，係花既中間再加左D金菇，睇落好吸引。
濃湯桃膠浸菜心: 呢味餸有D似雜菜煲，菜心同竹笙等等既菜吸左上湯既精華之後非常入味，桃膠我都係第一次食，口感真係好特別，唔錯。
鮮果拔絲黑豚肉:呢碟餸賣相好靚，顏色好鮮艷，有桃同埋士多埤梨去拌碟，黑豚肉用左糖漿去整，甜甜地幾開胃，不過夾起果陣D 醬真係好痴，都幾難夾。
石窩明太子海鮮炒飯:炒飯既飯粒比較乾身，相信係因為係石窩飯既緣故，飯裡面加左鮮蝦肉同明太子，炒出黎都好香，份量亦都相當多，5個人食每人都分到一大碗 。
食完以上既野之後仲覺得差緊少少野咁，為食既我點都要叫D甜品黎同大家share一齊食，本身想試佢個椰皇燉鮮奶，可惜已經賣晒，唯有試其他啦。
呂宋香芒布甸:香芒布甸雖然味道同平時食到既差唔多，無咩特別，但係賣相好得意，係呈魚型架，仲有3條咁多，真係見到都開心呀。
杞子桂花榚:桂花榚彈口實在， 落左唔少杞子，桂花味好香，味道重得黎又唔會太甜，唔錯。
食左咁多野，連埋茶芥同埋12% 服務費之後都唔洗$1500，坐得都幾舒服，又傾到計，都唔算貴啦。
張貼
